’Dydi The Searchers ddim yn ei chael hi’n hawdd ymddeol. Hyd yma, maen nhw wedi bod ar dair – ia, tair – taith ‘olaf’. A dyna ni, i fod. Dim mwy. Ond maen nhw bob amser wedi dweud ‘Never say Never’ a dim ond rhywbeth arbennig iawn allai newid eu meddyliau. Wel, mae rhywbeth felly wedi digwydd.

Sut allwch chi wrthod gwahoddiad i berfformio mewn Gwyliau proffil uchel iawn? Mae’n AMHOSIBL. Felly, er mwyn ymarfer ar gyfer hynny, mae ychydig o ymddangosiadau byw arbennig wedi’u trefnu.

Byddant yn canu llawer o ganeuon o’u rhestr hirfaith o lwyddiannau gan gynnwys Sweets For My Sweet, Sugar & Spice, Needles & Pins, What Have They Done To The Rain? Love Potion Number 9, Don`t Throw Your Love Away, a llawer mwy.

Wedi'u henwi'n swyddogol y llynedd fel y grŵp pop sydd wedi gwasanaethu hiraf yn hanes Prydain, maent wedi teithio'n barhaus dros 67 mlynedd ers dewis teitl y ffilm glasurol John Wayne o 1957 fel enw ar gyfer eu grŵp sgiffl. Ym 1963 fe wnaethon nhw neidio i rif un yn siartiau’r DU gyda’u sengl gyntaf Sweets For My Sweet ac mae’r gweddill yn hanes.

Bydd y dyddiadau yma’n rhoi un cyfle olaf i chi weld y band arbennig yma’n chwarae cyn ffarwelio â nhw.