Bydd cyfle i gefnogwyr y band roc Queen fwynhau math arall o Hud! yn 2025 pan fydd y band teyrnged swyddogol ‘Queen Extravaganza’ yn teithio o amgylch y DU ac Iwerddon i nodi 50 mlynedd ers rhyddhau’r anthem anhygoel Bohemian Rhapsody.

Gyda cherddorion wedi’u dewis yn ofalus gan Roger Taylor a sioe a gynhyrchwyd gan sêr gwreiddiol Queen, bydd ‘Queen Extravaganza: Celebrating 50 years of Bohemian Rhapsody’ yn ymweld â 25 o leoliadau ar draws y DU ac Iwerddon yn gynnar yn 2025 gan gynnwys Venue Cymru, Llandudno ar nos Fercher 26 Chwefror.

Yn ogystal â'r clasur anhygoel Bohemian Rhapsody, gall y gynulleidfa ddisgwyl clywed caneuon mwyaf poblogaidd y band mwyaf poblogaidd yn y byd, gan gynnwys Another One Bites The Dust, We Will Rock You, Radio Ga Ga a llawer mwy.

Wrth siarad am Queen Extravaganza, dywedodd Roger Taylor: “Rydym yn dewis yn ofalus y cerddorion mwyaf anhygoel ar gyfer Queen Extravaganza – ac maen nhw’n gwneud gwaith gwych yn talu teyrnged i’n caneuon. Mae’n sioe arbennig sydd wedi’i llunio i ddathlu etifeddiaeth Queen i gefnogwyr o bob oed.”