Comedy Club 4 Kids - Gweithdy Comedi
Ers 2005, mae Comedy Club 4 Kids wedi bod yn cynnal gweithdai comedi i blant 7-18 oed, mewn ysgolion a theatrau, mewn gwyliau ac ar-lein. Mae ein hathrawon yn weithwyr comedi a llwyfan proffesiynol sydd wedi cael gwiriadau’r Gwasanaeth Datgelu a Gwahardd, sy’n addysgu’r plant sut i ysgrifennu a pherfformio comedi, dod o hyd i’r pethau doniol yn eu profiadau eu hunain a’i droi’n gomedi stand-yp a sgetshis. Mae cyfranogwyr yn dysgu sut i sefyll yn falch gyda hunanhyder; i fod yn gyfforddus ar y llwyfan, ac yn eu hunain. Gallwn helpu plant sy'n cael eu bwlio i gael rhywbeth i fod yn falch ohono, tynnu'r rhai tawel allan, tawelu'r rhai swnllyd, a dangos iddynt i gyd sut i ddisgleirio.
Uchafswm y cyfranogwyr: 20
Comedy Club 4 Kids - Sioe Gomedi
Ers 2005, mae’r Comedy Club 4 Kids wedi bod yn cael y comediwyr ‘stand-yp’, sgetshis a’r sêr cabaret gorau o’r gylchdaith ryngwladol i wneud yr hyn y maent yn ei wneud orau i gynulleidfa o blant (6+ oed) a’u teuluoedd… ond heb y darnau anweddus! Bron i 20 mlynedd yn ddiweddarach, mae’r cwmni wedi ehangu o un cyfnod preswyl yn Llundain i deithio ledled y wlad, gan gynnal sioeau a gweithdai ar hyd a lled y DU o Peebles i Portsmouth, hyd yn oed yn cynhyrchu llyfr ar sut i ysgrifennu a pherfformio comedi ‘stand-yp’, a chynnal ein podlediad ein hunain o’r enw ‘Radio Nonsense’ i ddod â phopeth sili i deuluoedd ar draws y byd. Mae'r sioe yn addas i deuluoedd, ond heb unrhyw hurtrwydd nawddoglyd. Mewn gwirionedd, mae'n union fel clwb comedi arferol, heblaw am y ffaith ei fod ymlaen yn ystod y dydd a bod plant yn cael dod i mewn, felly mae siawns uwch na'r arfer y bydd y gynulleidfa gyfan yn honni eu bod yn cael eu galw'n Bob.
